Rritja e numrit të rasteve me COVID-19, por edhe rritja e numrit të viktimave ka bërë që Ministria e Shëndetësisë të shqyrtojë miratimin e masave më strikte anti CVOD.

Në kuadër të masave të reja që pritet të merren nga 1 shtatori deri më 13 shtator,  është paraparë edhe rikthimi i orës policore, shkruan arbresh.info.

Kështu të paktën thuhet në njoftimin e Odës së Hotelierisë dhe Turizmit.

Zyrtarë të OHT-së kanë bërë të ditur se sot kanë zhvilluar një takim me ministrin e Shëndetësisë, Arben Vitia, ku edhe janë paralajmëruar për këto masa.

Sipas Odës së Hotelierisë dhe Turizmit, këto janë disa nga masat që do të merren:

• Orari i punës do të reduktohet për një orë nga 22:30 në 21:30;

• Gastronomia do të funksionojë vetëm me hapësirat e jashtme, dhe vetëm 70% të hapësirës;

• Në qendrat tregtare gastronomia nuk do të funksionojë fare;

• Sallat e dasmave, klubet e natës, kinematë dhe të tjera do të vazhdojnë të jenë plotësisht të mbyllura;

Seminaret dhe konferencat në hapësira të mbyllura mund të mbahen vetëm deri në 30 persona;

• Ora policore do të jetë nga ora 22:00 deri në ora 5:00 të mëngjesit.

“Për shkak të numrit të madh të rasteve të të infektuarve me Covid-19 ju lusim t’i respektoni këto dhe masa të tjera që priten të hyjnë në fuqi së shpejti”, thuhet në njoftimin e Odës së Hotelierisë dhe Turizmit./arbresh.info/

Njoftimi i plotë